Category Archives: என் இனிய உறவுகளுக்கு வணக்கம்

வெள்ளை வானத்தின் மவுனத்திலிருந்து – பீரிட்டு வரும் சூரியக் கதிர்களைப் போல் – தான் வரவேண்டும் – ஒவ்வொரு தமிழனுக்கும் அவனுக்கான தமிழ்பற்று! அனைவருக்கும் இனிய அன்பு வணக்கம்!

ஒரு நாளின் மவுனங்களில் உனக்காக சேமித்து வைத்துள்ளேன் உனக்கான குரலை – ஒரு அன்பு வணக்கம் சொல்ல!

காலை பொழுதின் மஞ்சள் பூத்த சூரியக் கதிர்களின் கத கதப்பில் வானம் தொடும் பன்னீர் துளிகளாய் – உங்களின் அன்பினால்; வாழ்வின் அடையாளம் கண்டு கொள்ளும் உங்கள் சகோதரனின் இனிய அன்பு வணக்கம்!

வீட்டின் எத்தனையோ நிகழ்வுகளை உட்கொள்கிறது – ஒவ்வொரு கவிதையும்; கவிதை படிக்கையில் – காரணங்கள் அத்தனை புரிவதில்லையென்றாலும் – காரணமின்றி ஒரு கவிதையும் கற்பனை குதிரையில் ஏறிவிடுவதில்லை! என் கவிதைகளுக்கும் காரணமிருக்கிறது காரணமில்லையென்றாலும் – கவிதைக்காய் தேடுகிறேன்; கவிதையில் மெய்யிருக்கட்டுமே! இனிய அன்பு வணக்கம் தோழர்களே!